English

Ffyrdd a Thraffig – Problemau a Datrysiadau

 

Sŵn Traffig mewn Ardaloedd Gwledig: Profiadau Personol y Bobl y Mae Hyn yn Effeithio arnyn nhw

Casglodd pum astudiaeth achos dystiolaeth ansoddol o’r problemau sy’n codi yn sgil sŵn traffig mewn ardaloedd gwledig, sef problemau y dywedir rhy ychydig amdanyn nhw.  Daeth y darganfyddiadau o fewn dau gategori eang: profiad syfrdanol ddifrifol o sŵn lle mae pobl yn byw’n agos at ffyrdd gwledig prysur, hyd yn oed i’r graddau lle ceir problemau ag iechyd; a dirywiad sylweddol yn y profiad o gefn gwlad ymhellach o lawer i ffwrdd o ffyrdd na’r hyn y mae gweithdrefnau asesu swyddogol yn ei ystyried, gan arwain at bobl yn osgoi ymweld â rhai o leoedd prydferthaf Prydain.

Cyflawnwyd ar ran Y Gymdeithas Sŵn gydag arian oddi wrth Sefydliad Esmee Fairbairn. (2008)

Lawrlwytho: Traffic Noise in Rural Areas: Personal Experiences of People Affected (Saesneg yn unig) [pdf 706kB]

 

Y Tu Hwnt i Seilwaith Trafnidiaeth: Gwersi ar gyfer y Dyfodol o Brosiectau Ffyrdd Diweddar

Edrychodd yr adroddiad hwn ar effeithiau cynlluniau ffordd ar dwf traffig, y dirwedd a phwysau datblygu. Edrychodd ar y broses arfarnu cyn adeiladu ffordd, ac ar y broses werthuso wedyn. Mae yna dair astudiaeth achos fanwl: Ffordd Osgoi Newbury, Ffordd Osgoi Ddeheuol M65 Blackburn a Ffordd Osgoi Polegate. Dangosodd yr astudiaeth dwf traffig sy’n fwy o lawer na rhagolygon swyddogol a datblygiadau seiliedig ar y car sy’n anghynaliadwy. Dygodd sylw at fethiant y broses arfarnu i nodi’r effeithiau pwysig hyn ar fywyd go iawn yn sgil adeiladu ffyrdd.

Comisiynwyd y gwaith gan y Countryside Agency a CPRE, a thîm y prosiect oedd ymgynghoriaeth Trafnidiaeth a’r Amgylchedd, Trafnidiaeth er Bywyd o Safon ac Ymgynghoriaeth JohnElliott. (2006)

Mewn adroddiad byr yn dilyn y prif adroddiad, cafwyd dadansoddiad o Werthusiad Ôl-Brosiect 5-mlynedd-yn-ddiweddarach yr Asiantaeth Priffyrdd o Ffordd Osgoi Newbury, a rhyddhawyd hwn ar ôl cwblhau’r prif adroddiad. (2006)

Lawrlwytho: adroddiad llawn Beyond Transport Infrastructure (Saesneg yn unig) [pdf 949kB]

Lawrlwytho: fersiwn gryno o Beyond Transport Infrastructure (Saesneg yn unig) [pdf 647kB]

Lawrlwytho: Follow-up Analysis of Newbury Bypass (Saesneg yn unig) [pdf 65kB]